बाँदरको हातमा नरीवल नेपालको सरकारलाई ट्रलीबस

देशको एकमात्र प्रदुषण मुक्त सावरी साधनका रुपमा चल्दै आएको ट्रलीबस सेवाको कथा सुन्दा सार्हो टिठ लाग्यो भनेको । पहिला पहिला भक्तपुरको सूर्यविनायकदेखि काठमाण्डौको त्रिपुरेश्वरसम्म सम्म चल्दै आएको बससेवालाई कटौती गरेर कोटेश्वरदेखि त्रिपुरेश्वरसम्म बनाईएको त्यही पनि बन्द हुने अवस्था भन्दा देशका साधन र श्रोतको सदुपयोग कसरी भईरहेको छ भन्ने कुरा त लाटाले पनि आँखा चिम्लेर भन्न सक्छ । अरुका देशमा दिन दिन बिकासक्रम बढ्दो छ हाम्रो देशमा भने घट्दो छ । नघटोस् पनि कसरी बिदेशबाट आएको सहयोग जति नेता र मन्त्रीहरुलाई आफ्ना छोराछोरी बिदेश पठाउँदैमा ठिक छ । त्यसबाट अलि अलि बचेखुचेको पनि उनीहरुकै भुँडीमा ठिक अनि कहाँबाट हुनु नि फेरी । विश्वको हरेक ठाउँबाट सहयोगको नाउँमा करौडौँ भित्रिन्छ तर नेपालमा भने त्यो सहयोग जसका नाममा आएको हो उसका सामू पुग्नु त के नाम पनि थाहा भएको हुँदैन । चीन सरकारले लाउन् नेपालीले पनि राम्रा राम्रा छालाका जुत्ता भनेर बाँसबारी छालाजुत्ता कारखाना खोल्न सहयोग गरिदियो तर अहिले यसको नाम पनि थाहा छैन कसैलाई । ती अत्याधुनिक मेशिनहरु मासेर कसले के बनायो यसको बारेमा उनै अन्र्तयामी जानून् । यस्तै यस्तै बिभिन्न नाममा आएका सहयोगको सुची तयार पार्दा त यहाँ कहानी धेरै लामो हुन्छ । तर मलाई यो ट्रलीबसको कथा भने सार्है सकसक लागेर आयो ।
होइन अरुले सहयोग गर्यो भन्दैमा नसक्ने कुरामा किन आँखा गाड्नु अनि पाईसकेको उपहारलाई फेरी किन जतन गरी चलाउन नसकेको होला त्यो ट्रलीबस बिजुलीबाट चल्छ भन्ने त थाहा थियो होलानी दैनिक ९ घण्टा लोड सेडिगं हुने देशमा के को ईन्धनबाट यस्ता साधन कलकारखानाहरु चलाउन खोजेका होलान् । एक वर्ष त यस्तो समस्या पर्छ तर बषौँ वर्ष यस्ता समस्याहरु परिरहँदा पनि त्यसको समाधान खोज्नुको सट्टा लोड सेडिगं गरेर समाधान गर्छन । अरुका देशमा एकछिन बत्ती निभ्यो भने अबौँको नोक्सान हुन्छ तर हाम्रो देशमा त तात्तो न छारो । विश्वमा कस्ता कस्ता चिज बनिसके घण्टामा पाँच सय किमी गुड्ने रेल देखि चन्द्रमा सम्म पुगिसके तर यो ट्रलीबसको हिड्नेचाला कछुवा भन्दा पनि कम छ भनेको । कोटेश्वरबाट त्रिपुरेश्वर पुग्न कम्तीमा १ घण्टा लाग्छ यो व्यस्त युगका कसको समय हुनु र त्यसमा बसीरहन । बरु अलि उचित भाडादर कायम गराएर अलि छिटो छरितो सेवा दिनु अनि व्यवस्थापनमा ध्यान दिए त केही प्रगति हुन्थ्यो होलानी । तैपनि नाम मात्रको ट्रलीबस चलाएर बाटोमा ट्राफिक समस्या बढाएको देख्दा झोकै चलेर आउँछ भनेको । के गर्नु माल पाएर चाल नपाउन कुजातहरु देशको उच्च ओहदामा बसेपछि । यो ट्रलीबसको कहानी यहाँहरुलाई अझ बढी थाहा भए जानकारी पाउँ न है । यो साँच्चै बाँदरको हातमा नरीवल भने जस्तो भएको छ भनेको ।