यस्तै भयो प्रचन्डजीको दिल्लीमा स्वागत

प्रचन्डजीलाई भारतले कार्यक्रममा भाग लिन निमन्त्रणा गर्यो तर उसले आफ्नो केही उत्साह देखाएन । साँची भारतलाई थाहा थिएन कि क्या हो प्रचन्ड अहिलेका नेपालका हिरो हुन् भन्ने । देशमा शान्ति र अमन चैन कायम गर्ने नेपाललाई स्वीजरल्याण्ड बनाउने सपना बोकेर १२ बर्षको भुमिगत जीवनबाट जनतासामु आएका प्रचन्डको यो निमन्त्रणा सहित गएको पहिलो भ्रमण थियो तर कास्टिगं नै झुर भयो भन्या । उनका कार्यकर्ता पत्रकारलाई घचेटेर दशगजा पर पुर्याउन सफल भए । पत्रकारले सोधेको उत्तर भोलि दिने बाचाका साथ सँगै उनी पन्छिन खोजे भने पनि सुनियो । सँगै गएका राजदुत शिवशंकर मुखर्जी भने ४५ मिनेटमा बिशिष्ट कक्षमा पुग्ने तर निमन्त्रणा सहित गएका उनी किन सवा घण्टासम्म अल्झिएका हुन् बिशिष्ठ कक्षमा पुग्न । के भारतले यस्तो पनि गर्ने हो भन्या मलाई त चित्त बुझेन बा । निमन्त्रणा गर्ने अनि कुनै चासो नराख्ने के यो पनि भारतको सिद्धान्त हो जेहोस् प्रचन्डजी पनि राजनीति गर्न खप्पीस नै छन् । जसरी भए पनि उनी उनको कार्यक्रममा पुग्न सफल भए होलान् र आफ्ना राजनीतिक आरोह र अवरोहका कुरा गर्न सफल भए होलान् भन्ने कुरामा हामी विश्वस्त छौँ । तर उनले अँगालेको राजनीति मुलधारलाई भारतले हेला गरेर हो वा उनको अर्थ नबुझेर हो कुनै पनि ब्यक्ति उनलाई स्वागतार्थ नआएको भन्ने कुराले भने अलि चित्त बुझेन । मलाई लाग्यो जहाँका राजनीतिज्ञ पनि जीम्मेवारी बिहीन छन् । कुरा अनुसार काम गर्ने होइनन् । अब हाम्रा प्रचन्डजीले के के भने र उनको यात्रा कस्तो भयो भनेर चाही उनका वाणीले बताउलान् । सुनौँ न उनको गफ पनि ।