तस्करलाई प्रोत्साहन गैँडालाई सास्ती

नेपालमा जुन तन्त्र आए पनि चोरी डकैती लुटपाट भने कहिले पनि नसुधि्रने भयो । एउटा देशमा दुई सरकारले हालीमुहाली गर्दा पनि शान्ति र अमन चैन छैन बरु झन् झन देशको अवस्था नाजुक बन्दो छ । केही महिना अघिमात्र चितवनमा गैँडा प्रकरणमा केहीलाई सामएको जस्तो गरियो अनि बिभिन्न ढाकछोप गरि अपराधीलाई हौसला प्रदान गरी फेरी फेरी पनि यस्तै काम गरिरहनु है भनेर आर्शिवाद सहित स-सम्मान रिहा गरिएको नतिजा अहिले फेरी बिश्वमै दुर्लभ मानिएका गैँडाहरु मार्नेहरु सकि्रए भईरहेका रहेछन् । १६ महिनामा २४ गैँडाहरु मारिनु सामान्य कुरा होईन । माथिको तस्बीर हेर्नुस (साभारः इनेपाल न्यूज) जसमा आक्रमणकारीहरुको असफल प्रयासबाट बाँच्न सफल एउटा गैँडा देख्न सक्नुहुन्छ । लोकतन्त्रले दिएको खुशीयालीको पिडा यी अभागी गैँडाहरुको खप्परमा बजि्रएको देखिन्छ । हामी नेपालीहरु किन बुझ्न सक्दैनौ कि दुर्लभ जीवको संरक्षण गर्नु हामी सबैको दायित्व भनौँ वा कर्तव्य हो । आंैलामा गन्न भ्याउने जीवहरुको संरक्षण गर्नुको सट्टा यसलाई मेटाउन खोज्ने तस्करहरुलाई झन् प्रोत्साहित गरि बिभिन्न बहानामा छोडिएको देखिन्छ । यस्ता अमानवीय घटनाहरुको श्रृखंला कहिले निर्मुल हुने हो त्यो हामी सबैको चासोको विषय बनेको छ ।